Türkiyə istehsalı olan “Muamma: Cinə-i Cin” filmi Azərbaycanda möhtəşəm qala gecəsi ilə təqdim olunaraq beynəlxalq arenaya güclü start verib.
Filmin qala gecəsi Bakının simvollarından biri olan Alov Qüllələri kompleksində yerləşən Park Cinema kinoteatrında baş tutub.
Tamaşaçı axını səbəbindən tədbir izdihamla müşayiət olunub. Nümayişin keçirildiyi kinoteatrın ən böyük zalı tam dolub və film təqdimatın sonunda uzun sürən alqışlarla qarşılanıb.
Filmin rejissoru Bülənt Terzioğlu Azərbaycan tamaşaçısının diqqətindən məmnunluğunu ifadə edərək bildirib ki, yaradıcı heyət qorxu janrında fərqli və təsirli atmosfer yaratmağı hədəfləyib.
Filmin prodüseri və eyni zamanda aktyoru Emre Coşkun qalaların Azərbaycanda keçirilməsinin xüsusi əhəmiyyət daşıdığını vurğulayıb.
“Qardaş ölkə Azərbaycan tamaşaçısı ilə bu coşğunu yaşamaq bizim üçün böyük qürurdur. Tamaşaçılarımızın marağı və dəstəyi gələcək layihələr üçün bizə güc verir”, – deyə Emre Coşkun qeyd edib.
O, yaxın gələcəkdə fərqli ölkələrdə də oxşar tədbirlərin keçirilməsinin planlaşdırıldığını əlavə edib.
Filmin Azərbaycandakı nümayişini həyata keçirən Yalçın Çoban da təşkilata göstərilən maraqdan məmnunluğunu ifadə edib. O bildirib ki, iki ölkə arasında mədəni əlaqələr kino vasitəsilə daha da möhkəmlənəcək və bu əməkdaşlıq yeni layihələrlə davam etdiriləcək.
Qala gecəsi ərzində sosial şəbəkələrdə minlərlə paylaşım edilib və tədbir qısa müddətdə gündəmin əsas mövzularından birinə çevrilib. Qorxu janrında iddialı ekran işi kimi təqdim olunan “Muamma: Cinə-i Cin” Azərbaycandakı təqdimatla həm tamaşaçı rəğbəti qazanıb, həm də beynəlxalq miqyasda diqqət çəkməyi bacarıb.
Film haqqında
Adı: “Muamma: Cinə-i Cin”
Rejissor: Bülənt Terzioğlu
Prodüser: Emre Coşkun
Ssenari: Emre Coşkun
Ümumi koordinator: Yalçın Çoban
Rollarda: Özcan Varaylı, Sebahat Adalar, Elif Baysal, Emre Coşkun, Deniz Erinç, Gürkan Erduvan, Bilge Topal, Yeşim Emre, Cengizhan Başak, Bülənt Özsoy, Aytunç Güler
Süjet: Film 1990-cı illərdə Ankaranın Kayı kəndində baş verdiyi bildirilən real hadisə əsasında ssenariləşdirilib. Bir evə edilən cadu nəticəsində ailənin yaşadığı paranormal hadisələr onları çıxılmaz vəziyyətə salır.
Çəkiliş prosesi zamanı baş verənlər
Məlumata görə, filmin çəkilişi zamanı da bir sıra paranormal hadisələr qeydə alınıb. Çəkilişin ilk günü filmin rejissoru ürək tutması səbəbilə müalicə almağa məcbur olub. Bir sıra avadanlıqların öz-özünə yoxa çıxdığı, bəzi otaqlarda kameraların işləmədiyi, lakin həmin otaqlardan çıxarıldıqdan sonra yenidən fəaliyyətə başladığı bildirilir.
Səhnə menecerinin yeni sərdiyi döşəkağlarının üzərində örtülmüş yorğan qaldırıldıqda əqrəblərin peyda olduğu qeyd olunur. Bildirilir ki, film real medyumların dəstəyi və sehr kitablarından hazırlanmış ciddi cadularla çəkilib.
