“Apple” Çindən asılılığını azaltmaq üçün Vyetnamdakı istehsal əməliyyatlarını genişləndirir.
“Xəbərsiz” bildirir ki, bu barədə “Bloomberg” məlumat yayıb.
Məlumata görə, şirkət ölkədə yeni ağıllı ev cihazları istehsal etməyi planlaşdırır.
“Apple” Çindən gələn geosiyasi gərginliklər və potensial tədarük zəncirinin pozulması ilə bağlı riskləri azaltmağa çalışır. Bununla belə, istehsalın yerdəyişməsi şirkəti ABŞ prezidenti Donald Trampın administrasiyası tərəfindən Vyetnam mallarına tətbiq edilən 20%-lik rüsumlardan azad etməyəcək.
Vyetnam müəssisələrində istehsal olunacaq ilk cihazlara ev elektron sistemləri üçün idarəetmə paneli, müşahidə kameraları və masaüstü robot daxildir. Mənbələr agentliyə bildiriblər ki, montajı artıq “Apple” üçün iPad istehsal edən Çin şirkəti BYD həyata keçirəcək.
Səma Sevyarlı