Tramp düşünür ki, sanksiyalarla Rusiyanı danışıqlar masasına əyləşdirə, daha konstruktiv mövqedə oturda biləcək.
Bu sözləri Ağ partiya başqanı Tural Abbaslı “Xəbərsiz”ə açıqlamasında deyib.
ABŞ-nin Rusiyaya qarşı qoyulan sanksiyalarını şərh edən Abbaslı qeyd edir ki, Rusiya tərəfi də dəfələrlə qeyd edib ki, özünə hörmət edən heç bir ölkə hədə qorxu ilə nəyəsə razılaşmaz. Yəni, o, mesaj verir ki, bəlkə də, mən razılaşaram, amma sən dünya ictimayiəti qarşısında çıxıb desən ki, Rusiya bu şərtlərlə razılaşmasa, mən ona qarşı sanksiylar edəcəm və bundan sonra Rusiya geri addım atsa, artıq Rusiyanın iqtidarının öz xalqının gözündə bütün etimadı itər. Nəyinki xalqın, hətta bütün dünyanın önündə etimad itə bilər.
“Düşünürəm ki, sülhün əldə olunması Trampla Putinin şəxsi danışıqlarından aslıdır. Təbii ki, burada Zelenskinin də mövqeyi önəmlidir. Çünki güzəşt etməli olan Zelenskidir. Tramp əslində siyasi fiqur olaraq emosianal şəxsdir. Zelenski ilə görüşüb, Zelenskinin təsirinə düşür, Putinlə görüşüb, onun təsirinə düşür, başqası ilə görüşəndə də eyni. Putin də Trampın bu xaraktrini bildiyi üçün siyasi anlamada bəzi manipulyasiyalar edə bilir. Amma mən inanmıram ki, Trampın sanksiya hədə-qorxusu Rusiyanı masa arxasına oturda bilsin”, – deyə o, əlavə edib.
Siyasi şərhçinin sözlərinə görə, Tramp həqiqətən də sülh istəyir. O yaxşı bilir ki, bu onun sonuncu prezidentliyidir. ABŞ-də siyasətçilər arasında belə bir deyim var: “Özündən sonra miras qoymaq”. Bu adam həm “Nobel” mükafatı almaq istəyir, həm də özündən sonra “Neçə yerdə sülh və atəşkəsi əldə etdi, bu dünya əhəmiyyətli ,böyük şəxsiyyətdir” adını qoymaq üçün çalışır.
“Tramp buna görə də, illərdir davam edən Rusiya – Ukrayna müharibəsini dayandırmaq istəyir. Onun üçün bir norma yoxdur ki, burada haqq-ədalət qalib gəlsin, doğru olan qalib gəlsin və s. Ona görə əsas atəşkəs, sülh olsun. Bu da çıxıb desin ki, “mən müharibəni dayandırdım”. Bu səbəbdən əminliklə deyə bilərik ki, Tramp həqiqətən də sülh istəyir. Amma ona kimin nəyi güzəştə gedəcəyi, nəyi itirəcəyi maraqlı deyil. Əsas odur ki, sülh olsun”, – deyə Ağ partiya başqanı bildirib.
Ziyafət Əlisoy