“AZAL-ın Heydər Əliyev Beynəlxalq Aeroportunda tətbiq etdiyi yeni taksi tarifləri ictimai müzakirələrə səbəb olub, çünki qiymətlər bir neçə məqam üzrə diqqət çəkir. Xüsusilə qısa məsafələr üçün tətbiq olunan sabit 6 manatlıq ödəniş, aeroport yaxınlığında yaşayan sərnişinlər üçün adi taksi platformalarından daha baha görünə bilər”.
“Aeroportdan Bakının mərkəzinə təxminən 25–30 km məsafəyə görə yol xərci belə hesablanır. İlk 3 km üçün 6 manat, sonrakı 22 km üçün 0.95 manat × 22 km = 20.9 manat, qalan 5 km üçün 0.70 manat × 5 km = 3.5 manat. Ümumi məbləğ təqribən 30.4 manat təşkil edir ki, bu da hazırkı taksi bazarında orta səviyyədən bir qədər yüksəkdir, amma bəzi premium xidmətlərlə müqayisədə çox fərqlənmir”.
İqtisadçı qeyd edib ki, problemin əsas qanun pozuntusu isə əraziyə digər taksilərin buraxılmamasıdır:
“Qiymət səviyyəsi nə olursa olsun, rəqiblərin məhdudlaşdırılması inhisarçılıq hesab olunur. Məsələn, Bolt, Uber və digər yerli taksi şirkətlərində eyni məsafə adətən 20–25 manat arasında dəyişir ki, bu da sərnişinləri alternativ xidmətlərə yönəldə bilər”.
Akif Nəsirlinin sözlərinə görə, AZAL-ın rəsmi taksi xidmətinin üstünlükləri sərnişin təhlükəsizliyi, komfortlu avtomobillər və nəzarət olunmuş xidmət keyfiyyətidir.
“Lakin sərnişinlər əsasən qiymət həssaslığı ilə seçim etdiyindən, yüksək tariflər etirazlara səbəb olur”-deyə o əlavə edib.