ABŞ prezidenti Donald Trampın administrasiyası İsrailin baş naziri Benyamin Netanyahunun Amerika liderinin Qəzzə ilə bağlı təklif etdiyi sülh planını poza biləcəyindən narahatdır.
“Xəbərsiz” bildirir ki, bu barədə “The New York Times” yazıb.
Bir neçə məmur qəzetə bildirib ki, “Amerika administrasiyasında Netanyahunun müqaviləni ləğv edə biləcəyinə dair qorxular var”. Hazırda Vaşinqtonun strategiyası Trampın xüsusi nümayəndəsi Stiven Uittok, ABŞ vitse-prezidenti J.D.Vens və ABŞ prezidentinin kürəkəni Jared Kuşnerin vasitəçiliyi ilə İsrailin baş nazirinin “Fələstinin radikal HƏMAS hərəkatına genişmiqyaslı hücumunu davam etdirməsinin” qarşısını almaqdır.
Qəzet qeyd edir ki, bir neçə ərəb ölkəsindən danışıqçılar Qahirədə atəşkəs rejimini müzakirə etmək üçün bir araya gəlib, razılaşmanın əldə olunmasına kömək ediblər. Üstəlik, Amerika rəsmiləri anklavda öldürülən girovların cəsədlərinin axtarışı üçün Türkiyə ilə birgə işləyirlər.