Xanəndə Almaxanım Əhmədli izləyicilərinə müraciət ünvanlayıb.
“Xəbərsiz” bildirir ki, sənətçi bu barədə sosial media hesabında paylaşım edib.
Müraciətdə bildirilir:
“Biz, aşağıda adları qeyd olunan sənət adamları:
Almaxanım Əhmədli
Təranə Mahmudova
Şəhriyar Musayev
Nura (Aynurə) Suri
…məlumat veririk ki, Mədəniyyət Nazirliyinin əməkdaşı Mənzər Nurəliyeva ilə bağlı tərəfimizdən səsləndirilmiş açıqlamalardan sonra bizim səhnə fəaliyyətimizdə, şəxsi həyatımızda və sair baş verə biləcək hər hansı neqativ hal və ya xoşagəlməz – zərər verə biləcək hadisə ilə bağlı bütün məsuliyyətin Mənzər Nurəliyevanın üzərinə düşdüyünü ictimaiyyətə bildiririk.
Qeyd edirik ki, onun müxtəlif qurumlarla geniş əlaqələrə malik olması səbəbindən ailə üzvlərimizdə narahatlıq yaranmışdır. Bu müraciət həmin narahatlığın əsaslı şəkildə qeydə alınması və mümkün risklərin əvvəlcədən qeyd olunması məqsədi daşıyır”.
Qeyd edək ki, son zamanlar Mədəniyyət Nazirliyi və bəzi sənət adamları arasında gərginlik yaşanır.
Bəzi sənət adamları iddia edirlər ki, Nazirliyin əməkdaşı Mənzər Nurəliyeva onların bir çox rəsmi tədbirlərdə iştirakına mane olaraq, təşkilatçılara alternativ sənəçiləri təklif edirlər.
Hətta Mənzər Nurəliyevanın musiqiçilərdən bahalı hədiyyələr tələb etməsi ilə bağlı iddialar da az deyil.
Xəbərsiz
