“Azad İstehlakçılar Birliyinin” aparılan araşdırmaları göstərir ki, qadağalarla bu məsələ həll olunmayacaq. Yaslarda qadağanın və məhdudiyyətlərin olması çox yaxşı haldır. Məsələn, Sabirabad rayonunu yaxşı nümunə göstərmək olar. Orada icra başçısının müavini Həsən müəllim bu sahədə fəal iş aparır. Harada yas mərasimi varsa, şəxsən özü ora gedir, tapşırıqlar verir. Bu da yavaş-yavaş yayılır”.
Bu fikirləri “Xəbərsiz”ə açıqlamasında “Azad İstehlakçılar Birliyinin” sədri, iqtisadçı Eyyub Hüseynov toylarda bəzi qadağaların qoyula biləcəyini şərh edərkən deyib.
İqtisadçı qeyd edib ki, yaslarda mühüm problem qonaqların yemək yeməsidir:
“Burada ciddi məsələlərdən biri tələbin azadılması məsələsidir. Əhəlini maarifləndirmək lazımdır ki, yasda yemək yeməsinlər. Əgər tələb varsa, təklif meydana çıxır. Ona görə paralel məhdudiyyətlə bərabər, kənd ağsaqqalları, mollaları, axundları iş aparmalıdır ki, yasda yemək yeyilməsin. Çünki doğru deyil. Yas yemək yeri deyil. Bütün rayonlarda bu baş verməsi çox vacib bir məsələdir. Mən güman etmirəm ki, qadağa vasitəsi ilə bu məsələ həll olunsun. Çünki qanunvericilikdə də məhdudiyyətlər var. Qadağa edib hansı cərimələr qoyulacaq, hansı qanunla tənzimlənəcək? Yas yerində yemək verənləri hansı inzibatı xətanı törətdiyi üçün cərimələyəcəklər? İnsanların yas yerində yeməkdən çəkinməsi adət halı almalıdır”.
Ekspert təklif edib ki, dövlət toyxanalarla bağlı müqavilə forması hazırlasın:
“Toylarda həddindən artıq böyük israfçılıq olur. Nə qədər toy sahibi acgözlük edib, çox sifariş verirsə, o toyxanaya xeyir edir. Yaxşı olar ki, Nazirlər Kabineti tərəfindən toyxanalar üçün bir müqavilə forması təsdiq olunsun. Orada istifadəçinin və icraçının hüquq və vəzifələri göstərilsin. Zəhərlənmələr olarsa, kimin məsuliyyət daşıyacağı barədə maddələr olsun. Toy sahibləri bu israfçılıqla düşünürlər ki, yaxşı bir toy edirsə, hər şey qonaqların çıxıb getməsinə hesablanır. Bütün bu hallar istehlakçı hüquqlarının pozulmasına gətirib çıxaran amillərdir. Mütləq bu sahədə dəyişiklik aparılmalıdır”.
Mikayıl Mirzəzadə