“Təyyarə faciəsi üzərindən Rusiya öz cinayətini müəyyən qaydada və formada izah etdi”.
Bu sözləri “Xəbərsiz”ə siyasi şərhçi Əziz Əlibəyli Rusiya Federasiyasının prezidenti Vladimir Putinlə Azərbaycan Respublikasının prezidenti İlham Əliyev arasındakı görüşü şərh edərkən deyib.
O, bildirib ki, bizə vacib olan onların hüquqi məsuliyyət daşıması, təzminat verməsi və təbii ki, üzr istəməsidir. Bunlar hələ ki, bitən proses deyil, amma dünənki görüşdə müəyyən qədər ifadə edilmiş oldu.
“Bizə bundan sonra ticari və iqtisadi münasibətlər üzərindən qalan və heç vaxt pozulmayan münasibətləri inkişaf etdirmək vəzifəsi düşür və bu daha çox Rusiyanın üzrü ilə, eyni zamanda konpensasiyası ilə baş verəcək prosesdir”, – deyə siyasi şərhçi əlavə edib.
Əziz Əlibəyli qeyd edir ki, Rusiya bu günə qədər Azərbaycanla kəskinləşən münasibətlər fonunda və Azərbaycana qarşı başlatdığı informasiya savaşını dayandırmalıdır. Eyni zamanda Azərbaycan cəmiyyətində Azərbaycanın dövlət imicinə etdiyi hücumu həm Türkiyədə, həm Ərəb coğrafiyasında, həm də Avropada dayandırmalıdır. Eyni zamanda azərbaycanlıların incidilməsinin qarşısı alınmalıdır. Bu proseslər göstərir ki, Rusiyanın Azərbaycanla bağlı atacağı addımlar, görüləcək işlər qarşıdadır.
Ziyafət Əlisoy