“Başqa ölkə nüvə sınaqları keçirməklə bağlı səhv və sabitliyi pozan qərar qəbul edərsə, Moskva cavab verəcək”.
“Xəbərsiz” bildirir ki, bunu Rusiya xarici işlər nazirinin müavini Sergey Ryabkov jurnalistlərə açıqlamasında deyib.
Diplomat qeyd edib ki, Vaşinqton uzun müddətdir ki, nüvə sınaqları üçün zəruri olan infrastrukturu döyüş hazırlığı vəziyyətində saxlayır.
“Vurğulamaq istərdim ki, ABŞ uzun müddətdir ki, öz infrastrukturunu bu məqsədlər üçün hazır saxlayır. Bir müddət əvvəl biz bu mövqeyi nəzərə almışdıq. Bu, Rusiya tərəfi Strateji Silahların Azaldılması üzrə Yeni Müqavilə haqqında qərar qəbul edərkən baş verib”, – Ryabkov bildirib.
“Əgər imkana malik olan bir ölkə nüvə sınaqları keçirməklə bağlı səhv qərar qəbul edərsə və Vaşinqton açıq-aydın bizim diqqətimizdədirsə, o zaman biz dərhal cavab tədbirləri görəcəyik”, – deyə o əlavə edib.
Rusiya prezidenti Vladimir Putin “Valday” Beynəlxalq Diskussiya Klubunun plenar iclasında deyib ki, Moskva nüvə sınaqlarına “kimlərinsə hazırlaşdığını” görüb və bu sınaqlar baş verərsə, cavab verəcək.