Tanınmış jurnalist, “AFN” informasiya portalının rəhbəri Səbuhi Qafarov “OBA” mağazalar şəbəkəsindən şikayətlənib.
“Xəbərsiz” xəbər verir ki, bu barədə jurnalist feysbuk hesabında paylaşım edib.
O, “OBA”yla bağlı paylaşımında bu fikirləri səsləndirib:
“Küçəmizdə iki OBA Market var. Biri yolun üstündədi, biri də evimizin yanında. Evin yanındakından demək olar ki, gün ərzində 3-4 dəfə nəsə alırıq. Yolun üstündəkindən isə hərdən bir. Bu evin yanındakı OBA-ya da, bağlı olduğu şirkətə də söz deməkdən abrımız töküldü. Elə yolüstü olan da bir zibil deyil. Rəfdəki qiymətlə kassadakı qiymət arasında atla-eşşək qədər fərq var. Hər dəfə də eyni söhbət olur: “İşçinin səhvidi”. Ay kişi, bu işçinin səhvi heç vaxt düzəlməyəcək? Bizi həmişə eşşək yerinə qoyacaqsınız? Axı, abrımız töküldü daha, sizin abrınıza nə deyim. Mən artıq düşünürəm ki, bu, işçinin səhvi yox, şirkətin qiymət siyasətidir. Düşüncəmdə də haqlıyam. Əksini deyən, gəlsin sübut etsin. Ümid edirəm ki, başa düşüləcək üslubda yazdım. Daha da sərt formasını istəmirsinizsə, özünüz barədə ölçü götürün”.
Mövzu ilə bağlı sözügedən marketlər şəbəkəsi ilə əlaqə saxlamağa çalışsaq da, səylərimiz nəticəsiz qaldı.
Biz, qarşı tərəfin də mövqeyini yayımlamağa hazırıq.
