Bakı Slavyan Universitetinin rektoru Anar Nağıyevin rəhbərliyi ilə universitetin nümayəndə heyəti Çin Xalq Respublikasının Cıcian əyalətində yerləşən Hucou Pedaqoji Universitetinə səfər edib.
Görüş zamanı tərəflər arasında ali təhsil, elmi-tədqiqat, akademik mübadilə və digər istiqamətlərdə əməkdaşlıq imkanları müzakirə edilib. Müzakirələrin yekununda Bakı Slavyan Universiteti ilə Hucou Pedaqoji Universiteti arasında əməkdaşlığa dair müqavilə imzalanıb.
İmzalanan müqavilə iki ali təhsil müəssisəsi arasında tərəfdaşlıq əlaqələrinin inkişafına, birgə layihələrin həyata keçirilməsinə və akademik əməkdaşlığın genişləndirilməsinə xidmət edəcək.
Qarşılaşdığınız xəbər əhəmiyyətli hadisələri bizə göndərin
