Xəbər verdiyimiz kimi, ABŞ və Avstraliya nadir torpaq metalları və digər kritik mineralların daha çox tədarükünü təmin etmək məqsədi daşıyan saziş imzalayıb.
Tramp administrasiyasının bu sazişi bağlamaqda məqsədi bazarda dominantlıq edən Çindən asılılığı azaltmaqdır. Avstraliyanın Baş naziri Entoni Albanese bildirib ki, bu saziş artıq 8,5 milyard dollar dəyərində boru kəmərində olan bir sıra layihələri dəstəkləyəcək, ölkəsinin mədən və emal imkanlarını genişləndirəcək. Çərçivə sazişi həmçinin növbəti altı ay ərzində ABŞ və Avstraliyadakı layihələrə 1 milyard dollarlıq birgə investisiyanı da əhatə edir.
Mövzunu “Xəbərsiz”ə şərh edən iqtisadçı ekspert Fuad İbrahimov deyir ki, ABŞ bütün problemlərin həllinə çox institusional, tarazlı və çox təcrübəli yanaşır.
“Çinə qarşı tətbiq olunan tarif sanksiyalarını Çin tərəfi də cavabsız qoymamalıdır. Amma bu gün Çinin tətbiq edəcəyi sanksiyalara ABŞ alternativ yanaşma ilə baxır. Bu gün, məsələn Çin ərazisindən idxal olunan nadir torpaq resursları və digər mineralların idxalı və ondan asılılıq Avstraliya kimi qitədə öz əvəzini tapa bilmə imkanları genişdir”, – deyə iqtisadçı bildirib.
O, əlavə edib ki, bu gün ABŞ çox rahatlıqla Avstraliya ilə bu sitiqamətdə işlər görür. İlkin danışıqlardan ABŞ özünü daha əlverişli vəziyyətə salıb. Və ABŞ bu siyasəti də uğurla həyata keçirir. Ümumilikdə bu ticarət savaşının sonunda birmənalı olaraq ABŞ daha əlverişli vəziyyətdə olacaq. Ümumiyyətlə Çin modeli tarixçəsinin yaranmasına da diqqət yetirsək ABŞ izləri kifayət qədərdir.
Ziyafət Əlisoy