Milli Məclisin deputatı Razi Nurullayev şəhid, Milli Qəhrəman Hökümə Əliyevanın həyat yoldaşı Etibar Əliyevlə görüşüb.
“Xəbərsiz” xəbər verir ki, bu barədə deputat feysbuk hesabında paylaşım edib.
Deputat qeyd edib ki, şəhidlərimizin ailələrinə dəstək olmaq hər birimizin borcudur:
“Bu gün şəhid, Milli Qəhrəman Hökümə Əliyevanın həyat yoldaşı Etibar Əliyevlə görüşdük. Onun müraciətini dinlədik və məsələnin həlli üçün üzərimizə düşən köməyi göstərəcəyik.
Şəhidlərimizin ailələrinə dəstək olmaq hər birimizin borcudur. Onların qəhrəmanlıq hekayəsi Azərbaycanın azadlığı və müstəqilliyinin simvoludur”.
İntiqam İsa