…suallıq situasiya olsa da, ehtimalı nida istəyir. “Sea Breeze”də keçirilən təqdimat bunu iddia etməyə əsas verir.
Faktiki ölkənin ən böyük və genişmiqyaslı layihələrindən birinin sahibi olan Emin Ağalarov futbol arenası tikintisi ilə başlanğıc elan etdi.
Tədbirdə kimlər var idi – Qurban Qurbanov, Emrah Çelikel, Maqsud Adıgözəlov, Sərxan Hacıyev, KOBİA sədri Orxan Məmmədov, Rəşad Sadıqov və s.
Bu miqyasda tanınmışlar yalnız AFFA-nın hesabat konfranslarında olur.
Təşkilatçı kim(lər)dir bilmədik, hələ ki işə popsa mahiyyətində yanaşma hiss olundu, lakin indi vacib bu deyil, ölkə futbolu üçün hərəkətverici miqyası çox böyük ola biləcək hadisə yaşanıb.
Emin Ağalarovun futbola marağı olduğu məlum məsələdir. Ara-sıra bu sahəyə gəlməyi barədə sədalar eşidilirdi və bu, futbol ictimaiyyətində böyük rezonansa səbəb olurdu.
Nəhayət, ilk addım atıldı, özü də necə…
Ağalarovun “Sea Breeze” ilə bağlı iddiaları sərhədləri aşır. Layihənin qlobal miqyasda yayılması məqsədi məlumdur. Brendin beynəlxalq imici, populyarlığı və ən əsası, sosialyönümlü olması prizmasını ən yaxşı təbliğ edə biləcək vasitələrdən biri də futbol ola bilər. Bu aspektdən “Sea Breeze” sosiumu və futbol gələcəyin cazibəli layihələrindən biri kimi görünür.
Stadionun layihəsi təqdim olundu və baxanda görünür ki, bu sahəyə həvəskar məşğuliyyət kimi yox, “Sea Breeze” brendinin vizit kartlarından biri kimi baxılacaq.
Bir sözlə, təqdimatdan, ilkin baxışdan rəğbət yaradan ideya kimi göründü. Reallaşması ümidi ilə…
\\futbolpress\\
