“Bazarstore” ilə bağlı şikayətlər artmaqda davam edir.
“Xəbərsiz”in məlumatına görə, bu dəfə Media FM radiosunun aparıcısı, jurnalist Nərgiz Vəlizadə sözügedən market şəbəkəsində qarşılaşdığı problemlə bağlı sosial şəbəkə hesabında paylaşım edib.
Jurnalist “Bazarstore”dən aldığı “DARENKA” brendinə məxsus keksin kifləndiyini əks etdirən video yayımlayaraq məsələ ilə bağlı Azərbaycan Qida Təhlükəsizliyi Agentliyinə (AQTA) müraciət etdiyini bildirib.
Nərgiz Vəlizadə paylaşımında qeyd edib ki, belə halların yaşanması yolverilməzdir və istehlakçılar xüsusilə endirimli məhsullar alarkən daha diqqətli olmalıdırlar:
“Ay ‘Bazarstore’, satdığın məhsullara bir bax. Bu, sadəcə biabırçılıqdır. Ona görə də məhsul alarkən endirimdə olan mallara üstünlük verməyin. Bir daha əmin oldum ki, endirimli məhsuldan keyfiyyət gözləmək sadəcə mənasızdır”, – deyə jurnalist bildirib.
Sözügedən görüntüləri təqdim edirik.
Ziyafət Əlisoy
