ABŞ Prezidenti Donald Tramp türkiyəli həmkarı Rəcəb Tayyib Ərdoğanı sentyabrın 25-də Ağ Evdə qəbul edəcəyini açıqlayıb.
“Xəbərsiz” xəbər verir ki, o, müvafiq mesajı “Truth Social”da yayımlayıb.
“Türkiyə Prezidenti Rəcəb Tayyib Ərdoğanı sentyabrın 25-də Ağ Evdə salamlamaqdan məmnunam. Prezident və mən çoxsaylı ticarət və müdafiə sazişləri üzərində işləyirik, o cümlədən böyük “Boeing” təyyarəsi alqı-satqısı, böyük “F-16” müqaviləsi və “F-35″ ilə bağlı danışıqları davam etdiririk. Bu danışıqların müsbət nəticələnməsini gözləyirik”, – Tramp yazıb.
O, Ərdoğanla münasibətlərini “yaxşı” adlandırıb.
