Beynəlxalq Futbol Assosiasiyaları Federasiyası (FIFA) 2030-cu il Dünya Çempionatının 64 komandanın iştirak edəcəyi şəkildə təşkil olunmasını və turnirin ev sahibliyini bir neçə ölkəyə verməyi təklif edib.
“Xəbərsiz” xəbər verir ki, bu halda, çempionat 16 qrupda, hər biri dörd komandadan ibarət olmaqla keçiriləcək. Hər qrupdan ilk iki yeri tutan komandalar pley-off mərhələsinə yüksələcək.
Turnirin keçirilməsi planlaşdırılan ölkələr arasında İspaniya, Portuqaliya, Mərakeş, Argentina, Paraqvay və Uruqvay yer alır. Cənubi Amerikada isə üç qrup tamamilə həmin regionda oynanılacaq.
2030-cu il Dünya Çempionatı, həmçinin çox böyük əhəmiyyətə malikdir, çünki bu turnir eyni zamanda Futbolun 100 illik yubileyi ilə üst-üstə düşür. FIFA-nın bu təklifinin reallaşması dünya futbolunun gələcək inkişafına böyük təsir göstərəcək.
Əli Hacı