Bu gün İranın xarici işlər naziri Abbas Əraqçı Polşanın Tehranı Rusiyanı pilotsuz uçan aparatlarla təchiz etməkdə ittiham etməsinə cavab verib.
“Xəbərsiz” bildirir ki, o, “X” platformasında paylaşım edərək Polşa XİN rəhbərinin bəyanatını “əsassız” adlandırıb və qarşı tərəfi sənədlərlə əsaslandırılmış dialoqa çağırıb.
“Hesab verməkdən qaçmaq, əsassız iddiaları və müdaxiləçi bəyanatları təkrarlamaq problemi həll etməyəcək”, – deyə, Əraqçı bildirib.
Nazir, həmçinin tarixi nümunə gətirərək qeyd edib ki, İkinci Dünya Müharibəsi dövründə İran 100 mindən çox polyaka sığınacaq verib və onların azad ordusunun qurulmasına yardım edib: “İran və Polşa xalqları arasında dostluq çətin günlərdə sübuta yetirilib. Bu irsi qorumaq bizim borcumuzdur”.
Əli Hacı