HƏMAS imzalanmış müqavilənin bütün şərtlərinə əməl etməlidir, əks halda bu, onlara Qəzza zolağına hücumları bərpa etmək imkanı verir.
“Xəbərsiz” bildirir ki, bunu İsrailin mədəniyyət və idman naziri Miki Zohar iddia edib.
İsrailin razılaşmanın bütün maddələrinin həyata keçirilməsində israrlı olacağını bildirən Zohar, bəzilərinin yerinə yetirilməməsinə “göz yummayacaqlarını” bildirib.
Zohar iddia edib ki, HƏMAS müqavilənin şərtlərinə uyğun olaraq öhdəliklərini yerinə yetirməsə, bu, İsrailə Qəzzaya yenidən hücum etmək imkanı verir.
İsrailin baş naziri Benyamin Netanyahu Amerikanın CBS telekanalına verdiyi müsahibədə ABŞ prezidenti Donald Trampın sözlərinə işarə edərək, HƏMAS razılaşmanın şərtlərinə əməl etməsə, “xaos yaranacağını” deyib və Qəzzaya hücumların yenidən başlayacağına eyham vurub.
Əli Hacı