Yazıçılar Birliyinin (AYB) birinci katibi, Xalq yazıçısı Çingiz Abdullayev Azərbaycanda 3 min yazıçının olduğunu bildirib.
O, bu fikri XI Bakı Beynəlxalq Kitab Sərgisinin açılış mərasimində səsləndirib.
Xalq yazıçısı kitab sənayesinin problemlərinə də toxunub.
Bildirib ki, bu gün yazıçılar öz pulları ilə kitab çap edirlər. O, bu müəlliflərin növbəti mərhələdə yazdıqlarına görə qonorar alacaqlarına inandığını vurğulayıb.
“Cebheinfo.az”a açıqlamasında yazıçı Kəramət Böyükçöl bildirib ki, 3 min yazıçının olması onların hamısının yazıçı olması demək deyil. O qeyd edib ki, Azərbaycanda heç 3 min oxucu yoxdur:
“Azərbaycanda 3 min yazıçının olması o deməkdir ki, onların hamısı yazıçı deyillər. Balaca bir ölkədə 3 min yazıçı olar? Azərbaycanda heç 3 min oxucu yoxdur, nəinki 3 min yazıçı ola… Əvvəla, 3 min yazıçı yoxdur, əgər varsa belə, onların içində Çingiz Abdullayev yoxdur”.