Cənubi Kaliforniyada neft emalı zavodunda güclü yanğın baş verib.
“Xəbərsiz” xəbər verir ki, bu barədə “Fox11” məlumat yayıb.
Məlumata görə, yerli vaxtla saat 21:35 radələrində yanğınsöndürənlər ərazidə tüstülənmə xəbərləri aldıqdan sonra “El Sequndodakı Chevron” neft emalı zavoduna göndərilib.
Hadisə yerinə Cənubi Körfəz Yanğından Mühafizə Hissələri cəlb olunub.
Qeyd edək ki, neft emalı zavodu iki kvadrat mil ərazini əhatə edir və Cənubi Kaliforniyanın təyyarə yanacağının 40 faizindən çoxunu və motor yanacağının 20 faizindən çoxunu təmin edir. Qərb sahilindəki ən böyük neft emalı zavodudur
“Chevron”da hər gün 1000 işçi, 1000 podratçı işləyir və 24 tam ştatlı yanğınsöndürəndən ibarət öz yanğın bölməsi var.
Neft emalı zavodunun hələ də gündə təxminən 12 milyon gallon yanacaq istehsal etmək gücü var ki, bu da gündə bir milyon avtomobili yanacaqla təmin edir.