Belarus prezidenti Aleksandr Lukaşenko oktyabrın 6-dan Belarusda qiymət artımına qadağa qoyulması barədə göstəriş verib.
“Xəbərsiz” xəbər verir ki, o, “oktyabrın 6-dan etibarən bütün qiymət artımları qadağandır. Qadağandır. Bu gündən. Sabah yox, bu gündən. Ki, qiymətlər bir gecədə şişməsin. Ona görə də bu gündən etibarən qiymət artımı qadağandır”, – deyə bildirib.
Belarus prezidenti bu qərarının səbəbini açıqlayıb.
“Çünki baş nazirin dediyi çılğın artımdan sonra qiymətlər də eyni məbləğdə qalxıb. Bu gün isə qiymətlər çox bahadır. Onlar tavan həddinə çatıb. Artıq qiymətləri qaldırmaq mümkün deyil. Ehtiyac yoxdur. Amma istisnalar var. Və bu istisnalar nazirin və qubernatorların nəzarətindədir. Bu qədər”.
Əli Hacı