Macarıstanın Baş naziri Viktor Orban Qəbələdə keçirilən Türk Dövlətləri Təşkilatının (TDT) Zirvə Toplantısında Azərbaycan lideri İlham Əliyev və Türkiyə Prezidenti R.T Ərdoğana təşəkkür edib.
“Xəbərsiz” xəbər verir ki, Orban Türkiyənin etibarlı enerji dəhlizi statusunu vurğulayaraq bu fikirləri deyib:
“Türkiyə olmasaydı, bizim enerji təhlükəsizliyimiz olmazdı. Aİ bu gün türk dünyası və Mərkəzi Asiyanı özünün ən strateji tərəfdaşı kimi görməlidir”.
Orban bütün bunların fonunda Ərdoğan və İlham Əliyevə təşəkkür edib:
“İntensiv əməkdaşlıq olmadan uğur əldə etmək mümkün deyil. Prezident Ərdoğana təşəkkür edirəm; Türkiyə etibarlı tranzit ölkə olaraq Macarıstanı təhlükəsiz enerji təchizatı ilə təmin edir. Cənab İlham Əliyevə də təşəkkür edirəm; investisiyalar sayəsində Macarıstan enerji bazarına girə bildi”.
İntiqam İsa