Peyğəmbər hədisinə istehza edən aparıcı və verilişin qonağı saxlanılıb.
“Xəbərsiz” Bizim.Media-ya istinadən xəbər verir ki, Youtube platformasında yayımlanan “Soyuq Savaş” proqramında səsləndirilən ifadələr Türkiyədə ciddi narazılığa səbəb olub.
Verilişdə Hz. Məhəmməd peyğəmbərin “İçki bütün pisliklərin anasıdır” hədisi ilə bağlı səsləndirilən istehzalı zarafat ictimaiyyətdə kəskin reaksiya doğurub.
Görüntülərin sosial şəbəkələrdə sürətlə yayılmasının ardından İstanbul Respublika Baş Prokurorluğu məsələ ilə bağlı dərhal araşdırmalara başlayıb. Prokurorluq verilişin aparıcısı Boğaç Soydemir və proqramın qonağı Enes Akgündüz barəsində “ictimaiyyəti nifrət və düşmənçiliyə sövq etmək və ya alçaltmaq” ittihamı ilə istintaq başladıb.
İstintaq çərçivəsində hər iki şəxs bu gün hüquq-mühafizə orqanları tərəfindən saxlanılıb.