İspaniyanın “Barselona” futbol klubunun yarımmüdafiəçisi Qavi dizindəki menisküs yırtığı problemi səbəbindən əməliyyat olunub.
“Xəbərsiz” xəbər verir ki, bu barədə klubun mətbuat xidməti məlumat yayıb.
Bildirilib ki, 21 yaşlı futbolçu bu əməliyyatdan sonra 5 ay müddətinə yaşıl meydanlardan kənar qalacaq.
Qeyd edək ki, Qavi 2023-cü ilin noyabrında dizindəki çarpaz bağdan zədə alıb. O, 2024-cü ilin sentyabrına qədər bərpa prosesində olub. Hazırkı zədəsi isə bu ilin avqust ayında meydana gəlib və əməliyyat nəticəsində uzun müddətli bərpa tələb edəcək.
Səma Sevyarlı