“Putin özünü nə qədər syuqqanlı aparmağa çalışsa da, bu gün Rusiya üçün çox çətin dönəm başlayıb”.
Bu sözləri Deputat Ceyhun Məmmədov Rusiyanın ABŞ ilə münasibətlərinin bərpası ilə bağlı xəbəri şərh edərəkən deyib.
Mövzu ilə bağlı “Xəbərsiz”ə danışan plenari bildirir ki, Ukrayna davamlı olaraq Rusiyaya hücumlar edir və Rusiyanın enerji infrastruktrunu, neft emalı zavodları mərhələli şəkildə sıradan çıxarılır.
“Əslində Tramp Putinə müxtəlif təkliflər vermişdi. Əgər Rusiya bu təklifləri qəbul etsəydi, son günlər itkiləri bu qədər olmazdı. Bu itkilər böyükdür və Rusiya anlayır ki, getdikcə onu qarşıda daha çətin günlər gözləyir”, – deyə o, əlavə edib.
C. Məmmədovun sözlərinə görə, Rusiya tərəfi anlamalıdır ki, artıq bu müharibəni dayandırmağın vaxtıdır. Rusiya bu formada davam edərsə, çökmək təhlükəsi ilə üz-üzə qala bilər. Rusiyanın artıq müharibədə qələbə çalmaq imkanları yoxdur. Onlar bunu dərindən bilməli və anlamalıdır.
“Həmçinin bu inadkarlığa son qoymalıdır. Qoyulmadığı təqdirdə Rusiyanı daha çətin və ağır günlər qarşılayacaq. Bu birmənalı olaraq belədir və başqa forması da yoxdur. Düşünürəm ki, Rusiya bu açıqlamanı verməkdə bir mesaj verir ki, biz ABŞ və Avropa ilə əlaqələrimizi inkişaf etdirmək istəyirik. İnanırıq ki, Rusiya tərəfi səhvini anlayaraq mühaibəyə son qoyub, danışıqlara gedəcək”, – deyə deputat bildirib.
Ziyafət Əlisoy