London birjasında neftin qiyməti kəskin artıb.
“Xəbərsiz” bildirir ki, şimal dənizi Brent markalı neftin bir barelinin qiyməti cümə axşamı səhər saatlarında 65,67 dollar (57 avrodan bir qədər az) təşkil edib.
Bu, təxminən beş faiz artım deməkdir. ABŞ-ın WTI markalı xam neftinin qiyməti də təxminən beş faiz artaraq 61,46 dollar olub. Bir barel 159 litr tutur.
ABŞ çərşənbə günü Rusiyanın ən böyük neft şirkətləri olan “Rosneft” və “Lukoyl”a qarşı sanksiyalar elan edib.
Maliyyə naziri Skott Bessent buna səbəb kimi Rusiya prezidenti Vladimir Putinin Ukraynadakı müharibəni dayandırmaqdan imtina etməsini göstərib. Bessent X-də yazıb ki, ABŞ həmçinin “Kreml döyüş maşını”nı dayandırmaq üçün əlavə tədbirlər görməyə hazırdır.
UBS analitiki Giovanni Staunovonun hesablamalarına görə, Rusiya xam neft hasilatının təxminən yarısı “Rosneft” və “Lukoyl”un payına düşür.
Əli Hacı