“Xəbərsiz” xəbər verir ki, Şəki Dövlət Dram Teatrında təşkil olunan tədbirdə dövlət və hüquq-mühafizə orqanlarının rəhbər şəxsləri, YAP Şəki rayon təşkilatının nümayəndələri, Şəki-Zaqatala Regional Mədəniyyət və Təhsil İdarələrinin əməkdaşları, Şəki şəhər Ağsaqqallar Şurasının sədri, Mədəniyyət və Təhsil İşçiləri Həmkarlar İttifaqı Şəki rayon Komitəsinin rəhbərləri, şəhid ailələri, hərbiçilər, qazilər, mədəniyyət və təhsil işçiləri, eləcə də şəhər ictimaiyyəti iştirak edib.
Tədbir Dövlət Himninin səsləndirilməsi və şəhidlərin xatirəsinin bir dəqiqəlik sükutla yad edilməsi ilə başlayıb.
Çıxış edənlər Elçin Nadirovun igidliyindən, vətənpərvərliyindən və şəhidlik zirvəsinə ucalmasından, həmçinin Azərbaycan ordusunun və əsgərinin şücaətindən bəhs ediblər.
Şəki şəhər 2 nömrəli Uşaq Musiqi məktəbi və Uşaq İncəsənət məktəbinin müəllimlərindən ibarət ansamblın, eləcə də ifaçılar Hakim Əkbərov, Sərxan Hüseynov və Namiq Aslanovun çıxışları ilə vətənpərvər musiqi nümunələri səsləndirilib. Tədbirə bəddi qiraət ustası Bəhiyyə Nağıyevanın təqdim etdiyi şeirlər də rəng qatıb.
