“2025-ci ilin noyabr ayı ərzində TƏBİB-in “815” Çağrı Mərkəzinə ümumilikdə 11 672 zəng daxil olub”.
“Xəbərsiz” xəbər verir ki, bu barədə məlumat Xəzər Tibb Mərkəzinə təşkil olunan mediatur zamanı TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova deyib.
Onun sözlərinə görə, daxil olan müraciətlərin 11 508-i dərhal cavablandırılıb, 164 müraciət isə Çağrı xidməti şöbəsi tərəfindən araşdırılması üçün qəbul edilib.
68 vətəndaşa müraciətlə bağlı izahat verilib, 48 müraciət üzrə məsələ dərhal həll olunub, digər 48 müraciət isə elektron sənəd dövriyyəsi vasitəsilə rəsmiləşdirilərək aidiyyəti qurumlara yönləndirilib.
Z. Ədilova müraciətlərin mövzularının əsasən müayinə və müalicənin təşkili, dərman təminatı, əlillik məsələləri, tibbi heyətin davranışı, tibbi xidmətlə bağlı şikayətlər və arayış-sənəd verilməsi ilə əlaqədar olduğunu bildirib.
815 Çağrı Mərkəzində ixtisaslı həkimlər TƏBİB-in tibbi suallarını cavablandırıb. Elektron müraciətlərin də hamısı müddətində qəbul edilərək qaydalara uyğun cavablandırılıb.
