Xəbər verdiyimiz kimi, Qazaxıstan prezidenti Kasım-Jomart Tokayev Rusiya və Qazaxıstan arasında hərtərəfli strateji tərəfdaşlıq və müttəfiqlik haqqında bəyannamə imzalayacağını açıqlayıb.
Mövzu ilə bağlı “Xəbərsiz”ə danışan deputat Azər Badamov bildirib ki, Qazaxıstan Respublikası Prezident Tokayevin rəhbərliyi altında ölkənin milli maraqlarına uyğun müstəqil siyasət yürüdür.
Plenarinin sözlərinə görə, son vaxtlar Qazaxıstanın Qərb ölkələri ilə ikitərəfli əməkdaşlığın genişləndirilməsinə dair müzakirələrin apardığını müşahidə edirik. O cümlədən Avopanın liderlərinin də Qazaxıstana səfərləri müntəzəm hal alıb. Həm də Qazaxıstan TDT-nin fəal üzvüdür. Qazaxıstan TDT formatında və ikitərəfli formatda türk dövlətləri ilə də intensiv əməkdaşlıq edir. Qazaxıstan Rusiya ilə 70 il eyni ittifaqda yaşamış, sovetlər dağılandan sonra isə MDB və KTMT çərçivəsində münasibətlərini davam etdirir. Həm də Qazaxıstanın Rusiya ilə ikitərəfli əlaqələri çox yüksək səviyyədədir.
“Tokayevin müsahibəsində onun Moskavaya səfəri çərçivəsində Rusiya ilə strateji tərəfdaşlıq və müttəfiqlik haqqında Bəyannaməsinin imzalanacağı ilə bağlı verdiyi açıqlaması iki ölkə arasında münasibətlərdə yeni səhifə açılacağı deməkdir. Təbii ki, Qazaxıstanın Ruisya ilə münasibətlərinin müttəfiqlik səviyyəsinə qalxması hər hansı bir ölkənin maraqlarına qarşı deyil”, – deputat əlavə edib.
Azər Badamov vurğulayıb ki, Qazaxıstanın Rusiya ilə müttəfiqlik Bəyannməsinin imzalanması Türkiyə, Çin və Qərblə münasibətlərinə hər hansı bir təsir göstərəcəyini hesab etmirəm. Əksinə Qazaxıstan Rusiya münasibətlərinin yeni mərhələyə qalxması Qazaxıstanın digər tərəfdaşları da dəstəkləməlidir. Çünki qloballaşan dünyada ölkələr arasında münasibətlərin müttəfiqlik səviyyəsinə qalxması dünyada sülh və əməkdaşlığın möhkəmlənməsinə töhfə verir.
Ziyafət Əlisoy
