ABŞ prezidenti Donald Tramp Çikaqo meri Brandon Conson və İllinoys ştatının qubernatoru Cey Robert Pritzkerin ABŞ İmmiqrasiya və Gömrük Mühafizəsi (ICE) agentlərini qeyri-qanuni mühacirlərə qarşı mübarizə zamanı hücumlardan qoruya bilmədiklərinə görə həbsə çağırıb.
“Xəbərsiz” xəbər verir ki, bu barədə ABŞ mətbuatı məlumat yayıb.
“Çikaqonun meri ICE agentlərini qorumadığı üçün həbsdə olmalıdır. Qubernator Pritzker də belə olmalıdır”, – Tramp Truth Social-da yazıb.
Çikaqo meri və ştatın qubernatoru dövlət başçısına qarşı çıxan ABŞ Demokratik Partiyasını təmsil edir.
Oktyabrın 4-də Tramp federal agentlərin təhlükəsizliyini təmin etmək üçün İllinoys ştatının Çikaqoya 300 Milli Qvardiya əsgəri göndərilməsini əmr edib. NBC News-un daha sonra xəbər verdiyi kimi, İllinoys hakimiyyəti Trampın şəhərə Milli Qvardiya qoşunlarını yerləşdirmək qərarını əngəlləmək üçün məhkəməyə müraciət edib.
Əli Hacı