Putin və Tramp arasında ola biləcək növbəti görüş digər görüşlərdən xeyli fərqlənəcək.
Bu sözləri “Xəbərsiz”ə açıqlamasında Politoloq Hüseyn İbrahimov deyib.
O, bildirir ki, Viktor Orban öz çıxışlarında Avropa İttifaqı dövlətlərinə də mesajını verən bir liderdir. O, bir çox hallarda Avropa liderlərindən daha praqmatik və fərqli çıxışları ilə yadda qalır.
“Məsələn onun Avropa İttifaqı dövlətlərinə “Siz Rusiya ilə yaxınlaşmasanız, daha çox şeyləri itirə bilərsiniz” mesajının özü də Ukrayna məsələsində Avropa İttifaqının bir çox dövlətlərinin kəskin mövqe tutması hallarının qarşısının alınması istiqamətində bir çağırış idi. Bu çıxışın ardınca da Putin – Tramp görüşünün orada baş tutması özü göstərir ki, bu görüşdə ABŞ prezidentinin də bu istiqamətdə hansısa siyasi, ideoloji bir çağırışına və ya bəyanatına və yaxud da ümumi bir razılaşmaya nail ola biləcəklərinə ehtimal var”, – deyə o, əlavə edib.
Politoloq bildirir ki, Macarıstan Rusiya – Ukrayna məsələsində barışdırıcı mövqe tutur. Çox zaman da Avropa İttifaqı dövlətlərinin məsələnin həllində reallığa uyğun gəlməyən, bir çox hallarda qızışdırıcı meyilli çıxışlarına qarşı müəyyən fikirləri ilə yadda qalır. Görüş Rusiya – Ukrayna müharibəsinin səngiməsinə hesablanması istiqamətində yeni fikirlərin, yeni və daha aktul, pozitiv paradiqmaların ortaya çıxmasını şərtləndirə bilər.
Ziyafət Əlisoy
