Belçikanın mövqeyi hamıya məlumdur: o, Cənubi Qafqazda sabitliyi və sülhü dəstəkləyir və avqustun 8-də bu sazişin imzalanması ilə Vaşinqtonda əldə edilən irəliləyiş yeni və daha müsbət diskurs yaratmaq üçün fürsət kimi qiymətləndirilir.
“Xəbərsiz” bildirir ki, bunu Belçikanın Ermənistandakı səfiri Erik de Muynk mətbuat konfransında deyib.
“Rabitə və kommunikasiya regionda təbii olaraq çox vacibdir və həm region, həm də Ermənistan üçün böyük inkişaf potensialı yaradacaqdır. İqtisadiyyatdan danışdığımız üçün bu, həm də iqtisadiyyatın şaxələndirilməsinə imkan verəcək. Ona görə də hadisələr çox müsbətdir. Belçika bu hadisələrdən məmnundur və ümid edir ki, onlar da müsbət nəticələr verəcək”, – deyə o əlavə edib.
İslam İman