Azərbaycan prezidentinin “Zəngəzur dəhlizi” və Ermənistanın kapitulyasiyası ilə bağlı son açıqlamaları Ermənistanda narazılığa səbəb olub.
“Xəbərsiz” xəbər verir ki, bu iddia ilə Ermənistanın “Hraparak” qəzeti çıxış edib.
Nəşr yazır ki, Mülki Müqavilə partiyasının elitası bu görüşdən sonra qəzəblənib:
“Belə bəyanatlardan sonra xalqa necə “sülh bərqərar oldu, bizi seçin” deyilə bilər? Onları Vaşinqton razılaşması ilə sülh gətirdiklərinə necə inandıra bilərlər? Onlara əmin ediblər ki, həqiqətən sülh bərqarar edilib? Partiya daxilində müxtəlif fikirlər səsləndirilir ki, əslində Ermənistanla Azərbaycan arasında başqa bir sənəd imzalanıb və Əliyev Paşinyana sadəcə olaraq bunu sülh müqaviləsi kimi təqdim edib və seçkilərdə iştirak etməyə icazə verib”.
