“Rusiya Prezidenti Vladimir Putin Ukraynada davam edən münaqişənin əsas səbəblərinin aradan qaldırılmasının vacibliyini dəfələrlə vurğulayıb”.
“Xəbərsiz” xəbər verir ki, bu sözləri Rusiya Federasiyasının prezidenti Vladimir Putinun mətbuat katibi Dmitri Peskov RBC radiosuna verdiyi müsahibədə bildirib.
Peskovun sözlərinə görə, Kreml bu məsələyə Rusiya Federasiyasının milli maraqları prizmasından yanaşır və əsas səbəblərin həlli olmadan sülhün mümkün olmadığını hesab edir:
“Prezident Putin daim qeyd edir ki, problemin kökündə duran məsələlər – təhlükəsizlik zəmanətləri, regional balans və siyasi münasibətlər – həll olunmadan münaqişənin dayandırılması mümkün deyil”.
O, həmçinin Ukrayna Prezidenti Volodimir Zelenskinin Moskvaya səfərdən imtina etməsinə də münasibət bildirib. Peskov bu qərarın Kreml üçün gözlənilməz olduğunu deyib.
“Zelenskinin Moskvaya gəlməkdən imtina etməsi təəccüblüdür. Biz dialoqa açıq idik və qarşılıqlı təmas üçün imkanların araşdırılmasına ümid edirdik,”.
Əli Hacı