Qəvami Sadıqbəyli yeni şeirini yayımlayıb.
“Xəbərsiz” “Yadda qalan…” adlı şeiri təqdim edir:
Dünya yuxu, dünya yalan
Kimdir burda daim qalan…?!
Soyma xalqı, etmə talan;
Ömrümüz dar-kiçik dalan…
Yadda qalır: körpü salan!
Çərxi fələk fırlanır hey,
Yük daşınır, tırlanır hey.
İllərimiz sırlanır hey.
Ömrümüz dar-kiçik dalan…
Yadda qalır: körpü salan!
Sanma güclü, zəkalısan
Həyatdan sən kam alırsan;
Bəlkə ən çox bəlalsan.
Ömrümüz dar-kiçik dalan…
Yadda qalır: körpü salan!
Yüz il yaşa, yüz il oxu
Biliyindən xalça toxu;
Getməz yenə Tanrı xofu.
Ömrümüz dar-kiçik dalan…
Yadda qalır: körpü salan!
Qəvami də yaşa doldu,
Zənn etdi ki, elmi boldu.
Yavaş-yavaş o da soldu.
Ömrümüz dar-kiçik dalan…
Yadda qalır: körpü salan!
Qarşılaşdığınız xəbər əhəmiyyətli hadisələri bizə göndərin
