Rusiyada “Apple” şirkətinin “FaceTime” proqramı vasitəsilə cinayətlərin törədildiyinə dair iddialara görə ona giriş bloklanıb.
“Xəbərsiz” bildirir ki, Rusiya İnformasiya Texnologiyaları və Kütləvi Kommunikasiyalara Nəzarət Federal Agentliyinin (Roskomnadzor) verdiyi bəyanatda FaceTime-da sentyabr ayından bəri yaşanan giriş problemləri ilə bağlı qiymətləndirmələr yer alıb.
Tətbiq vasitəsilə cinayətlərin törədildiyi iddia edilən bəyanatda deyilir: “FaceTime ölkədə terror fəaliyyətinin təşkili və həyata keçirilməsi, cinayətkarların cəlb edilməsi, vətəndaşlarımıza qarşı dələduzluq və digər cinayətlərin törədilməsi üçün istifadə olunur”.
Açıqlamada qeyd olunub ki, sözügedən səbəbdən tətbiqə giriş bloklanıb.
Qarşılaşdığınız xəbər əhəmiyyətli hadisələri bizə göndərin
