Sosial media və rəqəmsal platformalar sayəsində xəbər istehlak vərdişlərinin dəyişməsi illərdir etibarlı məlumat mənbəyi kimi mühüm yer tutan televiziya jurnalistikasının daha az üstünlük təşkil etməsinə səbəb olur.
Dünyanın diqqətini münaqişələrə, sülh və təhlükəsizliyə təhdidlərə yönəltməklə televiziyanın qərar qəbuletmə proseslərinə təsirinin artmasını, onun müxtəlif məsələlərə diqqəti yönəltməkdə potensial rolunu nəzərə alaraq, Birləşmiş Millətlər Təşkilatı (BMT) 17 dekabr 1996-cı ildə 21 noyabrı “Ümumdünya Televiziya Günü” elan edib.
1926-cı ildə şotland mühəndis Con Baird tərəfindən icad edilən və 1950-ci illərdə qızıl dövrünə çatan televiziya müxtəlif dünyalara qapılar açaraq tamaşaçıları fərqli mədəniyyətlər və həyatlarla birləşdirdi.
Televiziya keçmişdən bu günə mühüm bir kütləvi kommunikasiya vasitəsi kimi önə çıxsa da, inkişaf edən texnologiyalar və dəyişən tamaşaçı vərdişləri səbəbindən son illərdə rəqəmsal platformalara nisbətən daha az üstünlük təşkil edir.
Rəqəmsal media ABŞ-da ənənəvi mediadan daha populyarlaşıb
Media istehlak vərdişlərinin dəyişməsi təkcə tamaşaçıların seçimlərinə təsir etmir, həm də xəbər istehsalında televiziyanın mövqeyinə təsir edir.
Televiziya jurnalistikası, xüsusən də gənclər arasında populyarlığını itirir, çünki sosial media xəbər istehlak vərdişlərini kəskin şəkildə dəyişib.
Yeni medianın ortaya çıxması ilə jurnalistikanın transformasiyası səbəbindən fərdlər sosial media kimi rəqəmsal platformalarda eyni vaxtda təqdim olunan xəbər məzmununa getdikcə daha çox müraciət edirlər.
Reuters İnstitutu və Oksford Universitetinin birgə dərc etdiyi hesabata görə, 2000-ə yaxın ABŞ respondentinə 2013-2025-ci illər arasında mediadan istifadə vərdişləri barədə sual verilib.
Sosial media və video şəbəkələr vasitəsilə xəbərlərə daxil olma nisbəti bu dövrdə 27 faizdən 54 faizə yüksələrək, ilk dəfə olaraq televiziya xəbərlərinin üstünlük nisbətini üstələyib.
İngiltərədə “YouTube” BBC-dən sonra ən çox seçilən ikinci platformadır
Britaniya mediasına nəzarət orqanı Ofcom tərəfindən iyul ayında dərc edilən hesabata görə, “YouTube” video platforması keçən il BBC yayımçısından sonra İngiltərədə ən çox baxılan sosial media şəbəkəsi olaraq ortaya çıxdı.
“YouTube” hər 5 gəncdən 1-i üçün ilk seçim olsa da, 2024-cü ildə 55 və yuxarı yaşda olan insanlar 2 il əvvəllə müqayisədə bu platformada iki dəfə çox vaxt keçiriblər.
2024-cü ildə televiziya tamaşaçıları əvvəlki ilə nisbətən 4 faiz azalaraq, orta gündəlik izləmə müddəti 2 saat 24 dəqiqəyə enib. Bu tendensiya xüsusilə gündə cəmi 17 dəqiqə televizora baxan 16-24 yaş qrupu arasında üstünlük təşkil edirdi.
Rəqəmsal platformalara üstünlük nisbətinin artmasına baxmayaraq, televiziya yayımları hələ də izləmə vərdişlərinin 56 faizini təşkil edir.
Xəbərsiz
