Tokioda rekord qiymətə – təxminən 2,8 milyon avroya böyük bir mavi üzgəcli tuna balığı hərraca çıxarılıb.
243 kiloqram çəkidə olan balıq, Yaponiya paytaxtındakı Toyosu balıq bazarında ilin ilk hərracında Sushizanmai suşi restoran şəbəkəsinin sahibi tərəfindən alınıb.
Qiyməti kiloqramı təxminən 11.413 avroya bərabərdir. Balıq, Yaponiyanın əsas adası olan Honşu adasının şimal ucunda yerləşən və Yaponiyanın ən məşhur tuna balıqçılıq yerlərindən biri olan Omada tutulub.
Tokioda keçirilən Yeni il hərracındakı yüksək qiymətlər balığın keyfiyyəti ilə o qədər də əlaqəli deyil. Əksinə, bu, medianın hər il yazdığı yeni iş ilinə başlamaq üçün nəzərdə tutulmuş PR kompaniyasıdır.
Xəbərsiz
Qarşılaşdığınız xəbər əhəmiyyətli hadisələri bizə göndərin
