Meleniya Tramp moda seçimləri ilə yenidən diqqət mərkəzinə gəlib.
“Xəbərsiz” bildirir ki, Səudiyyə Ərəbistanının vəliəhd şahzadəsi Məhəmməd bin Salmanın şərəfinə Ağ Evdə dövlət şam yeməyində o, sosial mediada müzakirələrə səbəb olan zümrüd yaşılı paltar geyinib.
Çoxları birinci xanımın incə diplomatik mesaj göndərdiyini yazıb.
Gecədə Melaniya dizayner Elie Saabın 3350 dollar dəyərində zərif straplez paltarında parıldayıb. Məhz onun geyiminin rəngi (bu, Səudiyyə bayrağının yaşıl rəngini inanılmaz dərəcədə xatırladır) bir çoxlarının bunun qəsdən atılmış addım olduğu qənaətinə gəlməyə səbəb olub.
“Birinci xanımın paltarı tam olaraq Səudiyyə bayrağının yaşıl çalarıdır. Çox qəşəngdir!” – şərhlərdə qeyd olunub.
Qeyd edək ki, gecədə həmçinin Səudiyyə Ərəbistanının “Əl-Nassr” klubunda çıxış edən futbol ulduzu Kriştiano Ronaldo, texnologiya nəhəngləri İlon Mask və Tim Kuk da daxil olmaqla bir sıra hörmətli qonaqlar iştirak ediblər.
Xəbərsiz
