İran ərazisinə endirilən çoxsaylı zərbələrə baxmayaraq, ölkə ballistik raket istehsal etmək imkanını qoruyub saxlayır.
Bu barədə “Bloomberg” agentliyi məlumat yayıb.
Qərb kəşfiyyat xidmətlərinin qiymətləndirməsinə görə, İran ayda təxminən 50 ballistik raket istehsal edə bilir. Bu, müharibədən əvvəlki istehsal gücünün təxminən yarısıdır. Bildirilir ki, bu imkan Tehrana hərbi əməliyyatlar yenidən başlayacağı təqdirdə güclü cavab zərbəsi endirmək imkanı verir.
Məlumata əsasən, hazırda İranın arsenalında azı 1700 ballistik raket ola bilər. Bununla belə, raket ehtiyatlarının artırılma tempi ABŞ-ın İrana qarşı hərbi əməliyyatına qədərki dövrlə müqayisədə iki dəfə aşağıdır.
Nəşr qeyd edir ki, İran İslam İnqilabı Keşikçiləri Korpusu (SEPAH) çərşənbə axşamı yeni yeraltı “raket şəhəri”ni nümayiş etdirdiyi bildirilən videoyazı da yayıb.










