Trampdan İranı qəti xəbərdarlıq: Ya razılaşacaqsınız, ya da biz son qoyacağıq

ABŞ prezidenti Donald Tramp İranla münaqişənin tezliklə bu və ya digər şəkildə sona çatacağına zəmanət verib – ya Tehran razılığa gələcək, ya da Vaşinqton buna son qoyacaq.

Tramp “Right Side Broadcasting Network” (RSBN)-ə verdiyi müsahibədə deyib:

“Biz artıq bunu qazanmışıq və çox tezliklə, bu və ya digər şəkildə başa çatdıracağıq. Ya onlar razılığa gələcəklər, ya da biz sadəcə buna son qoyacağıq”.

Prezidentin sözlərinə görə, bu, “bəlkə də asan yoldur”.

Bazar günü İranın xarici işlər naziri Abbas Əraqçi bildirib ki, Tehran Vaşinqtonun rasional hərəkət edəcəyinə və yenilənmiş silahlı münaqişə əvəzinə diplomatiyanı seçəcəyinə ümid edir.

Nazir bildirib ki, “Biz diplomatik səylər göstəririk və ümid edirik ki, qarşı tərəfin yanaşması rasional olacaq və o, digər variantlardan daha çox diplomatiyanı seçəcək”.

Eyni zamanda, Əraqçi qeyd edib ki, İran ordusu hərbi əməliyyatların yenidən başlaması halına hazırlıq görür.