Xəbərsiz Media
Rusiya yüksək keyfiyyətli enerji resurslarını cəlbedici qiymətlərlə təklif edir, lakin Hindistan və Çin onları Rusiyadan alıb-almamağa özləri qərar verməlidirlər.
“Xəbərsiz” bildirir ki, bunu Rusiya prezidentinin mətbuat katibi Dmitri Peskov Moskvanın adıçəkilən ölkələrin rəhbərliyi ilə Vaşinqtonun onları Rusiya neft və qazını almaqdan imtina etməyə məcbur etmək cəhdlərini müzakirə edib-etməməsi ilə bağlı sualı cavablandırarkən deyib.
“Təbii ki, bizim bir çox ölkələrlə, o cümlədən sadalanan ölkələrlə ticarət əlaqələrimiz var. Biz öz məhsulumuzu təklif edirik. Bu məhsul bir çox ölkələr üçün strateji əhəmiyyət kəsb edir. O, rəqabətədavamlıdır, cəlbedicidir. Və sonra onun nə dərəcədə cəlbedici olduğuna və başqa təklif olunan alternativlərin bizim məhsulumuzla nə qədər rəqabət apara biləcəyinə qərar verməlidir”, – Kreml sözçüsü bildirib.
O, bu cür müzakirələrin təfərrüatlarını açıqlamaq istəməyib:
“Bu ticarət-iqtisadi əməkdaşlıq kontekstində həyata keçirilən layihələrin idarə edilməsi çərçivəsində, əlbəttə ki, biz çoxlu sayda məsələləri müzakirə edirik. Burada konkret hər hansı bir şey çətin ki, uyğun və ya mümkün deyil”.
İslam İman
