Xəbərsiz Media
“Azərbaycan Dəmir Yolları” QSC (ADY) Xırdalan-Biləcəri sahəsində dəmiryol infrastrukturunun yenilənməsi çərçivəsində körpünün bərpasına start verib.
Təmir işləri ilə əlaqədar şəhərətrafı qatarların hərəkət cədvəlində müvəqqəti dəyişikliklər tətbiq olunub.
Bildirilib ki, Xırdalan-Bakı istiqamətində hərəkət sürəti və marşrutda tətbiq edilən dəyişikliklər səbəbindən qatarların mənzilə çatma müddəti müvəqqəti olaraq uzadılıb.
Eyni zamanda, sərnişin tələbatının qarşılanması məqsədilə şəhərətrafı qatarların gündəlik reyslərinin sayı 84-dən 90-a yüksəldilib.
ADY-dən qeyd olunub ki, körpünün bərpası tamamlandıqdan sonra bu istiqamətdə qatarların hərəkət sürəti artırılacaq və cədvəl yenidən tənzimlənəcək. Bununla yanaşı, Xırdalan-Sumqayıt xətti üzrə sərnişindaşımanın da bərpası planlaşdırılır.
Şəhərətrafı qatarların hərəkətinin tədris ili başladıqdan qısa müddət sonra tam bərpa ediləcəyi gözlənilir.
