Maştağada yerləşən Cəfər Cabbarlı adına 187 nömrəli tam orta məktəbin 90 illik yubileyi qeyd olunub.
Tədbirdə görkəmli dramaturq Cəfər Cabbarlının nəvələri — Dövlət Tərcümə Mərkəzinin əməkdaşı Bəhlul Abbasov, Cəfər Cabbarlının Bakıdakı ev-muzeyinin direktoru Qəmər Seyfəddinqızı, eləcə də məktəbin məzunu, Milli Məclisin 3, 4, 5 və 6-cı çağırış deputatı Eldar Quliyev iştirak ediblər.
Yubiley tədbirində məktəbin direktoru Gülnarə Hənifəyeva qonaqları salamlayaraq təhsil ocağının keçdiyi uğurlu yoldan danışıb. Şagirdlər isə hazırladıqları rəqs, musiqi və bədii kompozisiyalarla öz istedadlarını nümayiş etdiriblər.
Tədbirdə məktəbin illər ərzində yetişdirdiyi məzunlardan, təhsil sahəsində qazandığı uğurlardan bəhs olunub, yubiley iştirakçıları məktəb kollektivini bu əlamətdar gün münasibətilə təbrik ediblər.
