Qərb ölkələri Rusiyanın dəmir yolu sektorundan çıxarılması üçün Ermənistana təzyiq edir.
Bu barədə Rusiya Xarici İşlər Nazirliyi açıqlama yayıb.
Rəsmi Moskva bildirib ki, Qərb Ermənistanın nəqliyyat infrastrukturundan “Rusiya faktoru”nu zorla aradan qaldırmağa çalışır. Rusiyada bunu “Qərbin şantajı” kimi qiymətləndirirlər.
TASS-ın Xarici İşlər Nazirliyindən əldə etdiyi məlumata görə, Qərb ölkələri dəmir yolu sektorunda Rusiya ilə əməkdaşlıqdan imtina etməsi üçün İrəvana ultimatum verib: “Bunun müqabilində Ermənistana milyonlarla dollarlıq investisiya vəd edilib. Moskva bu cür təklifləri Ermənistanın çətin iqtisadi vəziyyətindən geosiyasi məqsədlər üçün istifadə etmək cəhdi hesab edir”.
Rusiya XİN hesab edir ki, Qərbin Ermənistana təklif etdiyi alternativ iqtisadi layihələrin səmərəliliyi şübhəlidir.
