Hamı təəccüblənir: “Qızıl top”a namizədlər arasında bu futbolçu niyə yoxdur?

Çərşənbə axşamı nüfuzlu “Qızıl top” mükafatının təşkilatçıları 30 namizədin siyahısını açıqladılar.

“Goal” portalı diqqəti bir məsələyə yönəldib: “Barselona”nın hücumçusu Rafinya namizədlər arasında yoxdur.

Məqalədə deyilir: “Əsas sürpriz, braziliyalı Rafinyanın “Barselona”dakı möhtəşəm mövsümünə baxmayaraq, “Qızıl top”a namizədlər siyahısında olmamasıdır”.

Sosial mediadakı azarkeşlər də bu fikri təkrarlayıblar. Bir çox futbol azarkeşi Rafinyanın niyə ilk 30-luğa düşmədiyinə təəccüblənib.

2025-ci ildə Rafinya “Qızıl top” səsverməsində beşinci yeri tutub. Bununla belə, braziliyalı mükafatı qazanmağa layiq olduğunu bildirib.