Xəbərsiz Media
İran prezidenti Məsud Pezeşkian Pakistanın daxili işlər naziri Möhsin Nəqvi ilə görüşündə Tehranın Pakistan və Əfqanıstan arasında mübahisələrin həlli üçün vasitəçilik etməyə hazır olduğunu bildirib.
“Xəbərsiz” bildirir ki, bu barədə “Mehr” informasiya agentliyi məlumat yayıb.
İran prezidenti Naqvi ilə görüşündə İran və Pakistan arasındakı münasibətləri “qardaşlıq və qarşılıqlı etimada əsaslanan isti və üstün” adlandırıb.
O, Naqvinin Tehrana səfərinin əvvəlki razılaşmaların həyata keçirilməsini sürətləndirəcəyinə və hər iki ölkə üçün müsbət nəticələrə gətirib çıxaracağına ümid etdiyini bildirib.
Bundan başqa, İran prezidenti regionda gərginliyin azaldılması və münaqişələrin qarşısının alınmasının vacibliyini vurğulayaraq, İranın Pakistan və Əfqanıstan arasında mübahisələrin həllinə kömək etməyə hazır olduğunu bildirib.
“Bu gün müsəlman ölkələrinin ümumi düşmənlərə qarşı mübarizədə birləşmələri hər zamankından daha vacibdir”, – deyə o, əlavə edib.
Naqvi İƏT-in iclasının uğurla keçdiyini qeyd edib və İrana göstərilən qonaqpərvərliyə görə təşəkkür edib. O, bu il onun İrana dördüncü səfəri olduğunu qeyd edərək, ikitərəfli münasibətlərin dərinliyini vurğulayıb.
Nazir prezident Pezeşkiyanın Pakistana tarixi səfərini xatırladıb və ikitərəfli münasibətləri “əla” adlandırıb.
İslam İman
