Ötən həftə Ukraynanın hücumları nəticəsində 8 mülki şəxs ölüb, 45 nəfər yaralanıb - Rusiya rəsmisi

Son bir həftə ərzində Ukraynanın Rusiya bölgələrinə hücumları nəticəsində 8 mülki şəxs həlak olub, 6-sı azyaşlı olmaqla 45 nəfər yaralanıb, xəsarətlərin 79%-i pilotsuz təyyarələrin zərbələri nəticəsində yaranıb.

“Xəbərsiz” xəbər verir ki, bunu Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik TASS-a bildirib.

Diplomatın sözlərinə görə, itkilərin əksəriyyəti Belqorod, Zaporojye, Xerson vilayətlərində və Donetsk Xalq Respublikasında qeydə alınıb.

Miroşnik qeyd edib ki, son bir neçə gündə Ukrayna pilotsuz təyyarələri mülki avtomobilləri, yaşayış binalarını və küçədəki insanları hədəf alıb.

“Mülki əhali arasında itkilərin sayı partlayıcı qurğulara basma nəticəsində artıb. Yaraqlılar məsafədən partlayıcıları mülki obyektlərə və insanların sıx toplaşdığı ərazilərə yerləşdirirlər. Donetsk Xalq Respublikasında mülki əhalinin ölümü və yaralanması ilə nəticələnən partlama halları qeydə alınıb. 59 yaşlı mülki şəxs Nikilovsk rayonunun Kirilloviski rayonunda iki nəfər həlak olub. Donetsk ətrafında isə bir nəfər yaralanıb”, – Miroşnik əlavə edib.

Əli Hacı